ഞങ്ങളുടെ ജയേട്ടൻ

 ഞങ്ങളുടെ ജയേട്ടൻ................................. .......

ജയേട്ടനെ (കലാമണ്ഡലം ജയകുമാർ) കുറിച്ച് എഴുതാഞ്ഞത് , എഴുതിയാൽ തീരില്ല എന്നത് കൊണ്ടാണ്. മദ്യപിക്കാത്ത കലാകാരൻ എന്നെഴുതിയാൽ കണ്ടിട്ടുള്ള നിങ്ങൾ വിശ്വസിക്കില്ല. കാരണം അദ്ദേഹത്തെ അടുത്തുനിന്ന് കണ്ട് പരിചയപ്പെടുംവരെ ഞാനും വിശ്വസിച്ചില്ല.
(ഇത് എൻ്റെ അനുഭവമാണ് .മറിച്ചുള്ള തൊന്നും എൻ്റെ വിഷയമല്ല)
ജയേട്ടനെ ഓർക്കുമ്പോൾ ആദ്യം ഓർമ്മ വരിക. ഞാൻ ആദ്യമായി ബോർഡെഴുതിയതാണ് '. ജയേട്ടൻ്റെ നടന കലോദയം എന്ന കഥകളി ഗ്രൂപ്പിൻ്റബോർഡാണ് എഴുതിയത് .അങ്ങിനെയല്ല പറയേണ്ടത് അദ്ദേഹം എന്നെ കൊണ്ട് എഴുതിക്കുകയായിരുന്നു.

സുഹൃത്ത് ഷാജഹാണ് അദ്ദേഹത്തെ എനിക്ക് പരിചയപ്പെടുത്തി തരുന്നത് .
ചുകന്ന കലങ്ങിയകണ്ണ് , ചുരുണ്ടുചീകാത്തമുടി, അലസമായി ഷാജഹാൻ്റെ പീടിക മുറിയുടെ തട്ടിൻപുറത്ത് ഇരിക്കുമ്പോഴാണ് ഞങ്ങൾ കടന്ന് ചെല്ലുന്നത് .അദ്ദേഹത്തിൻ്റെ ഭാവങ്ങളും ചലനങ്ങളും എന്നെ ആശങ്കപ്പെടുത്തി . ഞാൻ പതുക്കെ ഷാജഹാൻ്റെ ചെവിയിൽ പറഞ്ഞു. "നമുക്ക് പോകാം മൂപ്പര് ഫുൾ ഫിറ്റാണ്" . അവൻ എൻ്റെ കാലിൽ അമർത്തി ചവിട്ടി എന്നിട്ട് മെല്ലപറഞ്ഞു. " മുണ്ടല്ലടാ പൊട്ടാ അദ്ദേഹം മദ്യപിക്കില്ല" ഞാനാകെ അത്ഭുതത്തോടെ അദ്ദേഹത്തെ നോക്കി.

അവൻ പറഞ്ഞു.
"ബോർഡെഴുതാൻ ഒരാള് വേണന്ന് പറഞ്ഞില്ലേ ഇവനെഴുതും "
ആ ബോർഡെഴുത്ത് ഒരു മഹാ മനുഷ്യനിലേക്ക് എന്നെ അടുപ്പിച്ചു.

എത്ര ദിനരാത്രങ്ങൾ
എത്ര യാത്രകൾ, ജയേട്ടനോടൊപ്പം കഴിഞ്ഞ കാലങ്ങൾ മറക്കുവാൻ കഴിയാത്തതാണ്.
അദ്ദേഹത്തിൻ്റെ വീട്ടിൽ രണ്ടാഴ്ച്ചക്കാലം താമസിച്ചത് മറക്കാനാകില്ല .
അദ്ദേഹത്തിൻ്റെ അമ്മ വെച്ചുവിളമ്പിയ ആഹാരങ്ങൾ , അതിലെ ഇഡലിയുടെയും ചഢ് നിയുടേയും സ്വാദ് ഇന്നും നാവിൽ വെള്ളമൂറിക്കിടക്കുന്നു.

ഗോവ യാത്രയിലെ അനുഭവങ്ങൾ വല്ലാത്തതാണ് .കൂടെയുള്ള മദ്യപിക്കുന്ന ആളുകളെ മദ്യപുഴ ഒഴുക്കുന്ന നാട്ടിൽ അത് രുചിപ്പിക്കാതെ ഗോവ വിടുംവരേക്കും പിടിച്ചു നിരത്തിയത് 'കാലഗോട്ട് ബീച്ച് 'അനുഭവങ്ങൾ എല്ലാമെനിക്ക് പറയാനുണ്ട്

കൊല്ലത്തെ
പാപനാശം കടപ്പുറത്തെ കഥകളി തിയ്യറ്ററിനെ കുറിച്ചും എല്ലാം ഒരു പാട് എഴുതാനുണ്ട് '.
എന്നെ എറെ സ്വാധീനിച്ച ഒരു പച്ച മനുഷ്യനാണ് ഞങ്ങളുടെ ജയേട്ടൻ.

ഇന്ന് അദ്ദേഹത്തിൻ്റെ ഓർമ്മദിവസമാണ്. ഓർമ്മിക്കുന്നവർക്കൊപ്പം ഞാനും ജയേട്ടനെ ഓർക്കുന്നു ..... :

ഷക്കീർ ചെറുതുരുത്തി