ഇനി ആ മതിലുകളിൽ പുല്ലുകൾ മുളയ്ക്കും

 

ഇനി ആ മതിലുകളിൽ പുല്ലുകൾ മുളയ്ക്കും...... .ഗോപാലേട്ടനെ ഞാൻ ചെറുപ്പത്തിലെ കണ്ടിട്ടുണ്ട് .പക്ഷെ, അടുത്തുകാണുന്നത് വീട് മാറിയ ശേഷമാണ്. ഞാൻ വീട്ടിലേക്ക് പോകുന്ന വഴിയിലാണ് അദ്ദേഹത്തിൻ്റെ വീട്.

രാവിലെ നടക്കാനിറങ്ങുമ്പോൾ കാണുക അദ്ദേഹം തെട്ടടുത്ത മതിലുകളിൽ നിന്ന് പുല്ലുകൾ പറിച്ച് കളയുന്നതാകും.

ഒരു മതിൽ പനമനക്കാരുടെ താണ് .വളരെ ഭംഗിയിൽ പഴയ ചെങ്കല്ല്കൊണ്ട് കെട്ടിയതാണത്. അതിനകത്താണ് നാല് കെട്ടുള്ള മന.അടുത്ത മതിൽ കൊട്ടിലിങ്ങൽ കാരുടെതും, അത് സിമൻ്റ് തേച്ച് കരിങ്കൽ കൊണ്ട് കെട്ടിയതാണ്. ഇതിൽ ഒരു പുല്ല് മുളക്കാൻ അദ്ദേഹം സമ്മതിക്കില്ല.

"എന്തിനാണ് ഈ പുല്ലുകൾ പറിച്ച് കളയുന്നത് പലവട്ടം ഞാൻ ചോദിച്ചു. " "വല്ലവരുടെയും മതിലിൽനിന്ന് എന്തിനാണ് ഈ പുല്ല് പറിച്ച് വൃത്തിയാക്കുന്നത് "? 'അദ്ദേഹം ചിരിക്കുക മാത്രം ചെയ്തു.

ഇത്തരം നല്ല പ്രവർത്തികൾ കൊണ്ട് അദ്ദേഹത്തെ ഗാന്ധി എന്ന് ആളുകൾ വിളിച്ചു. ഞാൻ പലപ്പോഴും ചോദിച്ചിട്ടുണ്ട് . മഹാത്മാഗാന്ധിയെ കണ്ടിട്ടുണ്ടോ? , ശിഷ്യനാണോ എന്ന്. അപ്പോഴും അദ്ദേഹം ചിരിച്ചു.
ചെറുതുരുത്തിയിലെ കണക്ക് പിള്ളയാണ് മൂപ്പർ . മുമ്പുള്ള എല്ലാ കടകളിലെയും സ്ഥാപനങ്ങളിലേയും , യത്തീംഖാനയുടെയും എല്ലാം കണക്കുകൾ അദ്ദേഹമാണ് ശരിയാക്കിയിരുന്നത് .

BP മണിക്ക പ്രസിഡൻ്റും ഉമ്മർകുട്ടിക്ക പള്ളി സെക്രട്ടറിയുമായിരുന്ന കാലത് ചെറുതുരുത്തി പള്ളിയുടെ കണക്കും അദ്ദേഹമാണ് നോക്കിയിരുന്നത് . ഒരിക്കൽ ജനറൽ ബോഡിക്ക് കണക്കിൽ തർക്കം വന്നു. ഉടനെ സെക്രട്ടറി പറഞ്ഞു. " ഇത് ഗോപാലൻ നായർ നോക്കിയകണക്കാണ് ". തർക്കം അവിടെ തീർന്നു.

നല്ല ഒരു മനുഷ്യനാണ് അദ്ദേഹം . ചിരിച്ച് മാത്രം കാണുന്നപ്പെടുന്ന ഗോപാലെട്ടനെ ഇനി കാണാൻ കഴിയില്ല , അദ്ദേഹം പോയി ,നമ്മേവിട്ട്

ഷക്കീർ ചെറുതുരുത്തി