പള്ളി പക്ഷിക്കുമുള്ളതാണ്
ഉച്ചക്ക് നമസ്കരിക്കാൻ വൈകിയാണ് എത്തിയത് . ഉച്ചഭക്ഷണം കഴിഞ്ഞതിന്റെ ക്ഷീണം എന്നെ മുസല്ല(കാർപ്പെറ്റ് )യിലേക്ക്ചായിച്ചു. കിടന്ന് മുകളിലേക്ക് നോക്കിയപ്പോൾ ഒരു പക്ഷി ഈ കോൺക്രീറ്റ് കെട്ടിടത്തിനുള്ളിൽ വട്ടമിട്ട് പറക്കുന്നു. ഇടക്ക് ഹാളിന് നടുവിലായി തൂക്കിയിട്ട അലങ്കാര ലൈറ്റിൽ വന്നിരിക്കും .
നോക്കിയപ്പോൾ ഈ ചെറുതുരുത്തി ചുങ്കത്തെ പള്ളിക്കുള്ളിൽ ഒരു പക്ഷിക്കൂട് . എണീറ്റ് ലൈറ്റിടാൻ സ്വിച്ച് അമർത്തിയപ്പോഴെക്കും ഉസ്താദ് മുനീർ സഖാഫി ഓടിവന്നു " ഫാനിടല്ലേ ".... എന്ന് പറഞ്ഞ് കൊണ്ട് . ഇല്ല " ഞാൻ ആ കൂടു കാണാൻ ലൈറ്റിട്ടതാ''... ''നിങ്ങള് ഉച്ചയുറക്കം നടത്തിയില്ലേ" ..... ഇല്ല ആ പക്ഷി കൂടുകുട്ടിയ അന്ന് തൊട്ട് ഉറക്കം ശരിക്കും വരുന്നില്ല. ഇപ്പോൾ അതിൽ കുഞ്ഞുങ്ങളുണ്ട്. അമ്മ പക്ഷി ഫാനാൻതട്ടി ചിറക് ഒടിഞ്ഞു പോയതാ , പിന്നെ കണ്ടിട്ടില്ല . എന്റെ വേവലാതി ആര് അതുങ്ങൾക്ക് അന്നം കൊടുക്കും എന്നുള്ളതായിരുന്നു . ഇപ്പ വാപ്പ പക്ഷിയാണ് ഭക്ഷണം കൊടുക്കുന്നത് . ജമാഅത്ത് നമസ്ക്കാരത്തിന് ഫാനിട്ട് ഇമാമ് നിൽക്കുമ്പോൾ വല്ലാത്ത വിടച്ചിലാണ് . പൈതങ്ങൾ കണ്ണു മിഴിച്ച് പറക്കാനാകുന്നത് വരെ..... ഉസ്താദ് പറഞ്ഞു നിർത്തി ... പോകുന്നതിടയിൽ ഉസ്താദ് പറഞ്ഞു അല്ലാന്റെ വീട് പക്ഷിക്കു കൂടി ഉള്ളതാണ് .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ